Հոկտեմբերի 31-ից նոյեմբերի 3-ը ԱՄՆ-ի Շարլոտտա քաղաքում տեղի կունենա RK Motors ընկերության հատուկ աճուրդը, որտեղ կվաճառվի աշխարհում միակ Lotec Mercedes-Benz C 1000 հիպերքարը: 1995 թվականին՝ երբ արտադրվեց այս մեքենան, այն դարձավ աշխարհի ամենաարագը քաղաքային երթևեկության համար նախատեսված մեքենաների շարքում: Նույնիսկ հիմա, երբ գրեթե 20 տարի է անցել մեքենայի մրցակիցները այդքան էլ շատ չեն: Մեքենայի մաքսիմալ արագությունը կազմում է 431 կմ/ժ, որը գերազանցում է Bugatti Veyron Super Sport-ի արագությանը:
Գերմանական Lotec ընկերությունը ստեղծել է այս երկտեղանի կուպեն հատուկ արաբ մեծահարուստի պատվերով, մեքենային տալով Mercedes-Benz-ի 5.6 լիտրանոց V8 շարժիչ: Մեքենայի հզորությունը կազմում է 1000 ձիաուժ, ինչը համակցված է 6 աստիճան փոխանցման տուփի հետ: 1080 կիլոգրամանոց C1000-ը 100 կմ/ժ արագության է հասնում 2.8 վարկյանում, ինչը 1995 թվականի համար վատ ցուցանիշ չէ:
Մեքենայի ղեկը գտնվում է աջ կողմում, սրահում տեղադրված է օդափոխիչ և հիդրավլիկ ղեկ:
Չնայած, որ Lotec Mercedes-Benz С1000-ի տերը այն գնել է 3.4 միլիոնով, մեքենայի գինը աճուրդում կմեկնարկի ընդամենը 1 միլիոնից: Սպասենք աճուրդի արդյունքներին: