Մեր հայրենակիցը՝ Գրիգոր Ավետիսյանը, ով բնակվում է Ուկրաինայի Օդեսսա քաղաքում, իր Մոսկվիչը դարձրել է եզակի նմուշ: Այս նմուշը երկար և ջանասեր ձեռքի աշխատանքի արդյունք է: Գրիգորի խոսքերով նա 100 հազար դոլլարի ներդրում է կատարել մեքենայի վրա՝ ծախսելով 11 տարի: Գրիգորը ասում է, որ մեքենայով արդեն հետաքրքրվում են ռուս օլիգարխները՝ միլիոններ առաջարկելով: Իհարկե, մենք ծանոթ ենք հայերի հումորին և այդ իսկ պատճառով հավատում ենք նրան: Մեքենայի վրա տեղադրված է 2.4 խորանարդ աշխատանքային ծավալով շարժիչ: Գրիգոր Ավետիսյանը մեքենայի առջևի հատվածում տեղադրել է երկգլխանի արծվի արձանիկ, որը նմանեցրել է Ռուսաստանի պետական զինանշանին: Արձանիկը ստացվել է ռուսական մետաղադրամների ձուլման արդյունքում: Սրահը պատրաստված է կաղնու փայտից և բնական կաշվից: Գրիգոր Ավետիսյանը երազում է, որ իր հարմարավետ մեքենան վարի Վլադիմիր Պուտինը: