Համացանցում հայտնվել են նոր, շքեղ Aston Martin DB10 կուպեի լուսանկարները: Այն ստեղծվել է հատուկ Ջեյմս Բոնդի նոր ֆիլմի համար, որի անունն է «Սպառնալիք»: Մոդելը կարտադրվի ընդամենը տաս օրինակով՝ հատուկ ֆիլմի համար: Նորեկը սերիական արտադրության դուրս չի գա, սակայն մեքենայի որոշ տեխնիկական դետալներ տեղ կգտնեն ընկերության հետագա մոդելներում: Aston Martin DB10-ը ստեղծվել է V8 Vantage-ի հիմքում, սակայն տարբերվում է իր դոնորից իր մեծ չափսերով: Չափսերով այն ավելի շատ նման է One-77 սուպերքարին: Մեքենայի վրա տեղադրված է 4,7 լիտրանոց V8, սակայն մանրամասները դեռ գաղտնի էն պահվում (նշենք, որ V8 Vantage-ի հզորությունը կազմում է 436 ձիաուժ): Ֆիլմի 24-րդ մասի շնորհանդեսը տեղի կունենա 2015-ի նոյեմբերին: