Mercedes-Benz ընկերությունը G-դասի ամենագնացի թարմացված տարբերակը կներկայացնի 2017 թվականին: Ընկերությունում հաղորդում են, որ նոր փոփոխությունը կլինի այնքան զգալի, որ նույնիսկ կարելի է խոսել նոր սերնդի մասին: G-դասի Mercedes-Benz-ը կստանա փոփոխված  պլատֆորմ: Ինչպես հայտնում է Autocar պարբերականը՝ Mercedes-Benz-ի ինժեներները պատրաստվում են փորձարկել նոր տեխնոլոգիաներ: Ընկերությունում հայտնում են, որ ամենագնացը կդառնա 100 մմ-ով ավելի լայն, դա կօգնի մեքենան դարձնել ավելի կայուն, իսկ սրահը ավելի հարմարավետ: Ինչպես նաև մեքենան մոտ երկու ցենտներով ավելի թեթև կլինի նախկին սերունդներից:
Ամենագնացի ագրեգատը նույնպես լուրջ փոփոխության կենթարկվի: Այն կունենա բենզինային և դիզելային մոդիֆիկացիաներ, 3 լիտրանոց, համապատասխանաբար 360 և 300 ձիաուժ հզորությամբ և կաշխատի նոր 9 աստիճան 9G-Tronic ավտոմատ փոխանցման տուփով:

Մեքենան պետք է հնարավորինս պահպանի իր ավանդական արտաքին դիզայնի հատվածները, սակայն այնուամենայնիվ որոշ դետալներ կվերցվեն 2012-ին Լոս-Անջելոսում ներկայացված Ener-G-Force կոնցեպտից:

Հիշեցնենք, որ Mercedes-Benz G դասի ամենագնացը արդեն 35 տարեկան է:

Mercedes-Benz Ener G Force Concept