Իտալական Lamborghini-ն և հանրահայտ Zagato աթելյեն համատեղ աշխատանքի արդյունքում ստեղծել են նոր «5-95» անվամբ ծրագիր: Մեկ օրինակով ստեղծված մեքենան ցուցադրվել է ավանդական Concorso d’Eleganza Villa d’Este «էլեգանտության մրցույթում»: Ծրագիրը ստեղծվել է Zagato-ի 95-ամյակի  կապակցությամբ: Մեքենայի հիմքում Lamborghini Gallardo LP570-4-նն է: Կուզովը, որը պատրաստվել է ամբողջովին զրոյից, ստացել է Zagato դիզայնի ավանդական ֆիրմային էլեմենտները: Մեքենայի վրա ամեն ինչ փոփոխվել է, բացի ուժային ագրեգատից:

Շարժիչը նույն սերիական LP570-4-ինն է: Այն ունի 10 մխոցային 5.2 լիտր տարողությամբ շարժիչ, որն աշխատում է 6 աստիճան ավտոմատ փոխանցման տուփի հետ: Շարժիչի հզորությունը կազմում է 570 ձիաուժ հզորություն, իսկ 100 կմ/ժամ արագության մեքենան հասնում է 4 վայրկյանում: Մեքենայի առավելագույն արագությունը 300 կմ/ժամ է:

Իր ստեղծագործությունը Zagato-ն տեսակավորում է որպես «ժամանակակից հավաքածուների նմուշ»: Նորեկը արդեն ունի սեփականատեր, դա Ալբերտ Շպիսսն է, ում Gallardo-ն օգտագործվել էր որպես մեքենայի հիմք: Նշենք, որ իտալական այս հանրահայտ երկու բրենդերի առաջին համատեղ աշխատանքը 3500 GTZ մոդելն է, որը ստեղծվել է 1965 թվականին: