Volkswagen ընկերության GTI Roadster անունը կրող այս սուպերքարը սկզբում պատրաստվել էր որպես խաղի 3D մոդելի տարբերակ: Այդուհանդերձ Volkswagen-ում որոշել են մեքենան դարձնել իրական, անգամ անակնկալ եղավ այն, որ իրական սուպերքարը շուտով կներկայացվի հանրությանը: Մեքենայի 3D մոդելը սկզբում պատրաստվել էր Gran Turismo խաղի պատվերով, ոչ ոք չէր էլ կարող ասել որ այն կիրագործվի: Մեքենան ստացել է բավականին ագրեսիվ տեսք, որը բնորոշ է գրեթե ցանկացաց սուպերքարի: Մեքենայի եզակիությունը կայանում է նրանում, որ այն կառուցվել է պատվերով: Մի շարք պարբերականների պնդմամբ նորեկը պատրաստված է Volkswagen Golf GTI պլատֆորմի վրա, միայն ի տարբերություն նախորդի, ստացել է շքեղ աերոդինամիկ հատվածներ:

Տեխնիկապես մեքենան ստացել է 503 ձիաուժանոց VR6 TSI շարժիչ, որի շնորհիվ էլ մեքենայի պտտող մոմենտը կազմում է 665 նմ: Ավտոարտադրողը հայտնում է, որ նորեկի սերիական արտադրության մասին մտածելու համար դեռ շատ շուտ է, քանի որ մեքենան ընթացքում բազմիցս կկրի թարմացումներ, հնարավոր է նաև, որ սերիական արտադրության նույնիսկ դուրս չգա: Հիշեցնենք որ մեքենան պատրաստվել էր հաոտւկ Gran Turismo 6 համակարգչային խաղի պատվերով: