Packard Twelve 1999 սեդանը պատրաստվել էր որպես Bentley և Jaguar մակնիշների հակառակորդ: Տվյալ մեքենան արտադրվել է ընդամենը մեկ օրինակով, այն ել որպես փորձնական նմուշ: Այն արտադրվել էր ամերիկյան Packard Motor Car ընկերության 100 ամյակի  առթիվ: Նշենք, որ Packard մակնիշի մեքենա ուներ նույնիսկ Ստալինը: Մեքենան հենց արտաքինից ստացել է բավականին տպավորիչ տեսք, քանի որ յուաքանչյուր մասնիկում արտացոլվում է նախորդ դարի շունչը: Տեխնիկապես այս լյուքս դասի սեդանը ստացել է 8,6 լիտր աշխատանքային ծավալով V12 մխոցով 520 ձիաուժ հզորություն ունեցող շարժիչ, իսկ 100 կմ/ժ-արագությունը զարգացնում է 4,8 վայրկյանում: Մեքենան ամբողջովին պատրաստված է ձեռքով, այդ իսկ պատճառով ավտոարտադրողը երկար ժամանակ դժվարանում էր սահմանել վերջական գինը, այնուամենայնիվ մեքենայի համար սահմանվել է նախնական 800.000 դոլլար: Առաջին և միակ Packard Twelve 1999-ը կվաճառվի այս տարվա Հուլիսի 26-ին կայանալիք աճուրդում: