Lamborghini ընկերության Urus մոդելը, որը սերիական արտադրության դուրս կգա 2018 թվականին, կլինի ոչ միայն ընկերության առաջին քրոսսովերը, այլ նաև առաջին Lamborghini-ն, որը կունենա տուրբոներմղիչով մոդիֆիկացիա: Մինչ օրս Lamborghini-ն տեղեկություններ չէր հաղորդում մեքենայի ուժային ագրեգատի մասին, սակայն օրեր առաջ ընկերության տնօրեն Շտեֆան Վինկելմանը AutoExpress-ին հայտնեց, որ ընկերության ապագա ամենագնացը կստանա տուրբոներմղիչ:
Վինկելմանը նշեց, որ ստանդարտների փոփոխման հետևանքով իտալական ավտոարտադրողը ամենայն հավանականությամբ ստիպված կլինի հրաժարվել V10 և V12 շարժիչներից և օգտագործել V8 տուրբո շարժիչներ: Հնարավոր է, որ խոսքը գնում է չորս ցիլինդրանոց ագրեգատի մասին: Իտալական այս նորեկը կառուցված կլինի նոր MLB պլատֆորմի վրա: Սպասվում է, որ նույն պլատֆորմի վրա կթողարկվեն 2015 թվականի Audi Q7-ը և Bentley ընկերության քրոսսովերը: