Ռուսական АвтоВАЗ ընկերությունը սկսել է նոր սերնդի «Նիվայի» ստեղծման աշխատանքները: Ներկա պահին ընկերության մասնագետները արդեն ավարտել են շասսիի կապերի, առջևի և հետևի արգելակման համակարգերի և ղեկի կառավարման աշխատանքները: Այդ մասին հայտնել է ռուսական «АвтоСреда»-ն: Այս պահին նաև նոր «Նիվայի» ժամանակակից մակետի ստեղծման աշխատանքներն են ընթանում: Գնահատված է մեքենայի անցանելիությունը: Նախատիպը կստանա 1,8 լիտրանոց շարժիչ:
Այն մասին, թե երբ մեքենան կներկայացվի հանրությանը, տեղեկություններ չկան: Չի բացառվում, որ նոր Lada 4x4-ի կոնցեպտը կարող են ցուցադրել Մոսկվայի ավտոսրահում, այս տարվա օգոստոսի վերջին: Սակայն ավելի հավանական է, որ մեքենաի կոնցեպտը կցուցադրվի հաջորդ տարի: Սերիական արտադրության մեքենան դուրս կգա 2018 թվականին: Իսկ մինչ այդ АвтоВАЗ-ը զգալիորեն կթարմացնի «Նիվայի» ներկա սերունդը: Այն կստանա փոքր-ինչ այլ դիզայն, կատարելագործված սրահ և այլ նոր կարգավորումներ: