Vorsteiner թյունինգային ընկերությունը, որը հիմնականում աշխատում է գերմանական ավտոարտադրող ընկերությունների հետ, այս անգամ որոշել է կատարեագործել իտալական Lamborghini Aventador-ը: Հիմնական փոփոխությունը ռոդսթերի ամբողջովին նոր աերոդինամիկ «հագուստն» է: Ծրագիրը ստացել է The Hulk անվանումը, քանի որ մեքենան Hulk անվամբ հանրահայտ  կերպարի գույնի է: Մեքենայի այս բավականին յուրօրինակ գույնը կոչվում է Verde Ithika: Քանի որ մեքենան արդեն իսկ ունի բավական հզոր ագրեգատ Vorsteiner ընկերության թյուներները այն չեն թարմացրել, սակայն կատարելագործել են մեքենայի սեղմման ուժը: Դրանում մեքենային կօգնեն նոր սպոլլերը և հետևի դիֆֆուզորը: Սուպերքարի նոր դետալները ամբողջովին կարբոնից են, այդ քայլով թյուներները փորձել են հնարավորինս պակասեցնել The Hulk-ի զանգվածը: Բացի այդ Vorsteiner-ը մեքենան կանգնեցրել է ամբողջովին նոր անվահեծերի վրա՝ 20 դյույմ առջևինները և 21 դյույմ հետևինները:

Lamborghini Aventador-ի այսպիսի ձևափոխության գինը դեռ հայտնի չէ: Չի բացառվում, որ այս Lamborghini Aventador The Hulk մոդելը կլինի միակը աշխարհում, քանի որ այն ստեղծվել է Vorsteiner-ի, Wheel Boutique-ի և Ֆլորիդայի Lamborghini-ի դիլլերի համատեղ աշխատանքի արդյունքում: