Ավտոաաշխարհին ոչ այդքան հայտնի Mitsuoka ընկերությունը, որը հայտնի չէ անգամ տեղական Ճապոնական շուկայում, դադարեցրեց աշխարհի «ամենասարսափելի» մեքենայի արտադրությունը: Ընկերությունը զբաղվում է աշխարհին ոչ հայտնի արագագնաց մեքենաների արտադրությամբ: Mitsuoka Orochi անունը կրող մեքենան առաջին անգամ հանրությանը ներկայացվել է 2001 թվականին, իսկ սերիական արտադրության դուրս է եկել 2006-ից: 2006-ից մինչև 2010 թվականները ընկերությանը հաջողվել է Mitsuoka Orochi-ից վաճառել ընդամենը 400 օրինակ, և հենց այդ պատճառով այն ստացել է «ամենասարսափելի» անվանումը:

Մեքենան արտադրված էր Honda NSX-ի պլատֆորմի վրա, իսկ տեխնիկապես ստացել էր 3.3 լիտր աշխատանքային ծավալով 6 ցիլինդրային 233 ձիաուժ հզորությամբ շարժիչ, մեքենան աշխատում էր 5 աստիճան ավտոմատ փոխանցման տուփով: Սուպերքարի արտաքին տեսքը 2001-թվականի ներկայացումից մինչ օրս երբեք փոփոխության չի ենթարկվել: Mitsuoka Orochi-ն «ամենասարսափելի» անունը ստացել է նաև Top Gear և Jalopnik պարբերականների կողմից: