Volkswagen-ը այնուամենայնիվ որոշեց երկար չսպասեցնել Golf սպորտային ոճը նախընտրողներին: Երեկ ընկերությունը իր նոր մեքենան ներկայացրեց հանրությանը Պեկինյան ցուցահանդեսում: VW-ի փոխնախագահ Հայնց Յակոբ Նոյսերի հավաստմամբ ցուցադրված մեքենան դեռ միայն փորձնական տարբերակն է՝ մեքենայի սերիական արտադրությունում կլինեն մի շարք տեխնիկական փոփոխություններ: Ընկերության փոխնախագահը տեղեկություններ չհայտնեց մեքենայի սերիական արտադրությունը մեկնարկի մասին, միայն հայտնի է, որ նորեկը կունենա հնարավորինս չափ հզոր շարժիչ համեմատած նախորդ սերունդների և ընդհանրապես աշխարհի բոլոր սերիական հեչբեկների հետ:
Իսկ ըստ մի շարք էքսպերտների, նոր VW-ի շարժիչը գրեթե ոչնչով չի տարբերվի նոր Audi RS3-ի շարժիչից: Նորեկը կունենա Golf R 400 անվանումը: