Volkswagen ընկերության երկտեղանի հիբրիդը, որը միջինում 100 կմ անցնելիս սպառում է ընդամենը 1 լիտր վառելիք,  Լոնդոնի Դիզայնի թանգարանի կողմից ստացել է «Տարվա դիզայն» (Design of the Year) մրցանակը «տրանսպորտային միջոցի տարվա դիզայն» անվանակարգում: Նախորդ տարվա ընթացքում սահմանափակ քանակությամբ թողարկված XL1 մոդելը բացառիկ է և արտաքին տեսքով, և խնայողությամբ և իր թեթև քաշով:

Volkswagen XL1-ի դիզայնով զբաղվել են ընկերության լավագույն դիզայներները՝ գլխավոր դիզայներ Կլաուս Բիշոֆֆի գլխավորությամբ: Վերևից դիտելիս մեքենան դելֆին է հիշեցնում: Այդ կառուցվածքը մեքենային հատուկ աերոդինամիկա է հաղորդում, որի շնորհիվ երթևեկության ընթացքում մեքենայի վրա ազդող օդի ճնշումը զգալիորեն նվազում է: Հիբրիդի կողային հայելինի փոխարեն դռներում ներկառուցված են տեսախցիկներ, որոնք պատկերը փոխանցում են հենց դռների վրա տեղադրված մոնիտորներին:

Ավելացնենք, որ մոտ 145.000 դոլլար արժողությամբ այս ամենախնայող Volkswagen-ը մինչև օգոստոսի 25-ը կցուցադրվի Լոնդոնի դիզայնի թանգարանում: