RevoZport թյունինգային ընկերությունը ներկայացրել է Mercedes-Benz CLA-ի թյունինգավորված տեսակը: RevoZport-ը Mercedes-Benz-ին ցանկացել է տալ ավելի սպորտային տեսք: Չինացի դիզայներները CLA-ի բամպերների վրա ավելացրել են կարբոնաին շերտեր: Արագընթացին էլ ավելի ագրեսիվ տեսք հաղորդելու համար ավելացվել է նաև սպոլլեր: Տեղադրվել են մեծ չափսի անվադողեր, նոր սև սկավառակներ և ամբողջովին նոր արգելակման համակարգ:

Փոխվել է նաև արտանետման համակարգը: Տեղադրվել է չորս ելուստներով, քառակուսի տրամագծով, չժանգոտվող պողպատից արտանետման համակարգ: RevoZport-ը հավելավճարի դեպքում առաջարկում է նոր ինտերիեր, մասնավորապես՝ սպիտակ կաշի կարմիր նախշերով, նոր սպորտային ղեկ և ալյումինե ոտնակներ:

Բայց որքա՞ն կարժենա CLA-ի թյունինգը, RevoZport-ից չեն հայտնում, սակայն որոշ պարբերականների պնդմամբ թյունինգը արժեցել է շատ թանկ, և մեքենան կգնահատվի 450 000 Եվրոյից ոչ պակաս: