Բրիտանական Trident ընկերությունը, որը թողարկում է միայն սպորտային մեքենաներ, հայտարարեց Iceni անվամբ իր նոր դիզելային սպորտքարի վաճառքի մեկնարկի մասին: Այն համարվում է աշխարհի ամենաարագ և ամենախնայող սպորտքարը: Մեքենայի առավելագույն արագությունը 380 կմ/ժ է,  բայց մեքենան զարմացնում է իր այլ առանձնահատկությունով: Լիարժեք լիցքավորումից հետո մեքենան կարող է շարժվել 3000 կիլոմետր, մինչև հաջորդ բենզալցակայանը:

Նորեկը աշխատում է 6,6 լիտր ախատանքային ծավալով V8 տուբորշարժիչով: Շարժիչը աշխատում է բիոդիզելային հիմքով, իսկ 400 ձիաուժ հզորության շնորհիվ մեքենայի պտտող մոմենտը կազմում է 950 Նմ, ընդ որում, հատուկ մոդիֆիկացիայի դեպքում այս տվյալները կարող են բարձրանալ մինչև 660 ձիաուժ և 1424 Նմ: Մեքենան 100 կմ/ժ արագություն է զարգացնում 3,3 վայրկյանում:

Ավտոարտադրողը առաջարկում է նաև մեքենայի Iceni Magna և Iceni Venturer մոդելները, որոնք տեխնիկապես ոչնչով չեն տարբերվում Iceni նորեկից, միայն սրահը փոքր ինչ մեծացվել է: Նշված բոլոր 3 մեքենաներն էլ վաճառքի դուրս կգան նախնական 96.000 ֆունտ ստեռլինգով: Նորեկին գնելու համար գնորդը պետք է նախապես տեղեկացնի ավտոարտադրողին, քանի որ Trident Iceni-ն վաճառվում է միայն հատուկ պատվերով: Ըստ մի շարք պարբերականների մեքենայի առաջին խմբաքանակին տիրանալու համար իսկական հերթ է գոյացել Բրիտանական ընկերության դռների առջև:

Ներկայացնում ենք ֆոտոշարքը.